ليــه مستعجـــله

ليــه ع الفــراق مستعجلـــه

علشان عيونكِ حبيبتي استسمحتكِ

عانيت من عنجهيتكِ واتحملتكِ

علشان بحبكِ عملت هيسه وريحتكِ

وشوبش أمـــام الخلق أجمـــع

بعلــو الصوت غنيتلكِ

ودلوقتى ليه مستعجلة
ليــــه مستعجـــــــلة لو ع الفراق

مستعجلة حقول عادى ومتفرقش

دا أنا يامااا تعبت وشفت منكِ بهدله

مهما تقربي أو تبعدي مش هرجع لورا

حبيت كتير من سنين والعقل بسببكِ

أتعودعلى الخـرف والهرتله

كــُنت فاكر بعلن الحب الجديد

قلت ح قدر وأنسى بيه حـــبي أللي كان

وأشعلكِ حب وحنين وعنــدي بس الحنان

لكن قلبكِ كان بيقسى على قلبي الحزين

والله حرام عليكِ هوا إنتى طالعة لمين

ما بلاش شغل البايعين كل يوم تجرحيني

تعيشيني في حضن لــوعه وتهجريني

ليه عايزه دايماً تنسيني؟!

ليه على فراقنا مستعجلة.

دا انتى صورتكِ لسه بتنور في عيني

واسمك لسه محفور على لمعة جبيني

بلاش تقل ومهزلة وتنطيط وحنجلـــه

دا القلب من غيرك حزين بتيجى يوم

وتغيبي عن حضني سنـــه اخرجي من غــروركِ

دا أنتِ لسه صغيره ولا عشان كتبتلكِ كلمتين

واحـده واحده على مهلكِ أمال لو كانوا دواوين

ولا اتعملكِ نــدوة فيها مليون من المستمعين

أكيد ضلوعي هتكسرى وقلبي عليكِ هيهــون

وعــلى غيــري هـــدوري ليه على الفراق مستعجلة

وتغيبي عـــن ضي العين هو أنا كنت ناقص بهدله

مش قادرة تنتظري عليا شوية طيب ولا يهمني

أبــعدي نصيــحة بطلي تستكبــري

وعلى حبيبكِ تتأمــري
ليـــه على الفــراق مستعجــــلة